Адрас райвыканкама: Рэспубліка Беларусь, Гомельская вобласць, 247095, г.п. Лоеў, вул. Леніна, 2

Тэлефон прыёмнай: 8 02347 4 22 10

E-mail: isp@loev.gov.by

На цэнтральнай плошчы
На цэнтральнай плошчы

Пракуратура

Пракуратура Рэспублікі Беларусь (далей – пракуратура) – адзіная і цэнтралізаваная сістэма органаў, якія ажыццяўляюць ад імя дзяржавы нагляд за дакладным і аднастайным выкананнем законаў, дэкрэтаў, указаў і іншых нарматыўных прававых актаў, за выкананнем заканадаўства пры расследаванні злачынстваў, адпаведнасцю закону судовых рашэнняў па грамадзянскіх, крымінальных справах і справах аб адміністрацыйных правапарушэннях, а таксама выконваюць іншыя функцыі, устаноўленыя заканадаўчымі актамі.

Асновы дзейнасці пракуратуры вызначаюцца Канстытуцыяй Рэспублікі Беларусь, Законам Рэспублікі Беларусь "Аб пракуратуры Рэспублікі Беларусь". Асноўнымі задачамі пракуратуры з'яўляюцца забеспячэнне вяршэнства права, законнасці і правапарадку, абарона правоў і законных інтарэсаў грамадзян і арганізацый, а таксама грамадскіх і дзяржаўных інтарэсаў.

Пракуратура каардынуе праваахоўную дзейнасць дзяржаўных органаў, якія ажыццяўляюць барацьбу са злачыннасцю і карупцыяй, а таксама дзейнасць па барацьбе са злачыннасцю іншых арганізацый, якія ўдзельнічаюць у барацьбе са злачыннасцю. Узначальвае работу пракуратуры – пракурор.

У рамках рэалізацыі ўскладзеных задач, закон надзяляе пракурора шырокімі паўнамоцтвамі: уносіць суб'ектам праваадносін акты нагляду, абавязковыя для выканання, узбуджаць і расследаваць крымінальныя справы, падтрымліваць дзяржаўнае абвінавачванне, весці адміністрацыйны працэс, адмяняць незаконныя прававыя акты, заяўляць у інтарэсах дзяржавы іскі ў эканамічныя і агульныя суды і інш.

Разам з тым, пракурор не надзелены прымусовыміпаўнамоцтвамі прымушаць (напрыклад, пракурор сваімі актамі нагляду не можа арыштаваць разліковыя рахункі даўжніка, прыняць рашэнне аб узысканні заработнай платы, вярнуць узысканне на заработную плату і г.д.).

Дзейнасць пракуратуры грунтуецца на прынцыпах законнасці, роўнасці ўсіх грамадзян перад законам, незалежнасці пракурора, падпарадкаванасці ніжэйстаячых пракурораў вышэйстаячым пракурорам, галоснасці, абавязковасці выканання патрабаванняў пракурора.

Нягледзячы на шырокія паўнамоцтвы пракуратуры, забеспячэнне вяршэнства закона і правапарадку ў грамадстве-з'яўляецца задачай не толькі органаў пракуратуры, а прама залежыць ад прыстойнасці, правамерных паводзін кожнага грамадзяніна Рэспублікі Беларусь, а таксама нашага імкнення будаваць справядлівае грамадства і жыць у прававой дзяржаве.